گزارش ہے کہ میرے بھائی بیٹو
مہِ رمضان کی برکت سمیٹو
عبادت کے لئے باندھو کمر اب
اب اپنا بوریا بستر لپیٹو
بنا لو وقت کو تم کارآمد
زیادہ سو نہ اب بے وجہ لیٹو
خدا کو یاد کر کے تم شب و روز
خدائے پاک کی رحمت سمیٹو
پڑھو شب میں تراویح و تہجد
تلاوت کر کے بعدِ ظہر لیٹو
بنو اب خوگرِ جہدِ مسلسل
اے میری قوم کے جیدار بیٹو
بہت حد سے تجاوز کر چکے ہو
ذرا اندر کو اب ہو جاؤ پیٹو
گیارہ ماہ کے آخر تھکے ہو
ذرا آرام فرماؤ پلیٹو
