میری پسند

اردو کی بورڈ

02:57 , ہفتہ , 30 اگست , 2025

میری پسند

پہلا سا حال پہلی سی وحشت نہیں رہی شاید کہ تیرے ہجر کی عادت نہیں رہی

نصیر ترابی

غیروں کو بھلا سمجھے اور مجھ کو برا جانا سمجھے بھی تو کیا سمجھے، جانا بھی تو کیا جانا

میر مہدی حسن مجروح

یار کو ہم نے جا بجا دیکھا کہیں ظاہر کہیں چھپا دیکھا

شاہ نیاز

ہزاروں خواہشیں ایسی کہ ہر خواہش پہ دم نکلے بہت نکلے مرے ارمان لیکن پھر بھی کم نکلے

اسد اللہ خان غالب

خاموش زندگی جو بسر کر رہے ہیں ہم گہرے سمندروں میں سفر کر رہے ہیں ہم

رئیس امروہوی

محبّت کرنے والے کم نہ ہوں گے ! تیری محفل میں لیکن ہم نہ ہوں گے

حفیظ ہوشیار پوری

خانۂ درد ترے خاک بسر آگئے ہیں اب تو پہچان کہ ہم شام کو گھرآگئے ہیں

عرفان صدیقی

ڈرو نہ تم کہ نہ سُن لے کہِیں خُدا میری کہ رُوشناسِ اجابت نہیں دُعا میری

شوکت علی خان فانی بدایونی

آدمی، آدمی سے ملتا ہے دل مگر کم کسی سے ملتا ہے

جگر مراد آبادی

آپ سے مل کے ہم کچھ بدل سے گئے، شعر پڑھنے لگے گنگنانے لگے پہلے مشہور تھی اپنی سنجیدگی، اب تو جب دیکھئے مسکرانے لگے

جاوید اختر

یہ آنکھیں دیکھ کر ہم ساری دنیا بھول جاتے ہیں انہیں پانے کی دھن میں ہرتمنا بھول جاتے ہیں

ساحر لدھیانوی

مَیں آرزوئے جاں لکھوں ، یا جانِ آرزو تُو ہی بتا دے ناز سے ، ایمان ِآرزو!

اختر شیرانی

زندگی نے جھیلے ہیں سب عذاب دنیا کے بس رہے ہیں آنکھوں میں پھر بھی خواب دنیا کے

پیرزادہ قاسم رضا صدیقی

آنکھوں سے میری، کون مرے خواب لے گیا چشمِ صدف سے گوہرِ نایاب لے گیا

پروین شاکر

سو بار چمن مہکا سو بار بہار آئی دنیا کی وہی رونق، دل کی وہی تنہائی

صوفی غلام مصطفٰی تبسم

عرضِ ہنر بھی وجہِ شکایات ہو گئی چھوٹا سا منہ تھا مجھ سے بڑی بات ہو گئی

حفیظ جالندھری

راہِ خدا پرستی اول ہے خود پرستی ہستی میں نیستی ہے اور نیستی میں ہستی

سراج اورنگ آبادی

مرے ہم نفس، مرے ہم نوا، مجھے دوست بن کے دغا نہ دے میں ہوں دردِ عشق سے جاں بلب مجھے زندگی کی دُعا نہ دے

شکیل بدایونی

سنا ہے لوگ اُسے آنکھ بھر کے دیکھتے ہیں تو اس کے شہر میں‌کچھ دن ٹھہر کے دیکھتےہیں

احمد فراز

خوشیاں کہاں نصیب ہیں غم دل میں بس رہے جیتے ہوئے بھی جینے کو ہم تو ترس رہے

نظر لکھنوی

یا رب! دلِ مسلم کو وہ زندہ تمنّا دے جو قلب کو گرما دے، جو روح کو تڑپا دے

محمد اقبال

ستم دیکھتے ہیں، کرم دیکھتے ہیں محبت کے ہم زیر و بم دیکھتے ہیں

صوفی غلام مصطفٰی تبسم

سر میں سودا بھی نہیں ، دل میں تمنّا بھی نہیں لیکن اِس ترکِ محبّت کا بھروسا بھی نہیں

فراق گورکھپوری

ہم جو پہنچے سر مقتل تو یہ منظر دیکھا سب سے اونچا تھا جو سر نوکِ سناں پر دیکھا

سید محسن نقوی

خرد مندوں سے کیا پوچھوں کہ میری ابتداء‌کیا ھے کہ میں اس فکر میں رہتا ہوں ، میری انتہا کیا ھے

محمد اقبال

صاف کب امتحان لیتے ہیں وہ تو دم دے کے جان لیتے ہیں

داغ دہلوی

شامِ غم یاد ہے کب شمع جلی یاد نہیں کب وہ رخصت ہوئے کب رات ڈھلی یاد نہیں

احمد مشتاق

نہ سہہ سکوں گا غمِ ذات کو اکیلا میں کہاں تک اور کسی پر کروں بھروسا میں

انور شعور

جلےتو جلاؤ گوری، پیت کا الاؤ گوری ابھی نہ بُجھاؤ گوری ابھی سے بُجھاؤ نا

ابن انشاء

جگہ جی لگانے کی دنیا نہیں ہے یہ عبرت کی جا ہے تماشہ نہیں ہے

20626 104 4 27 4.3

خواجہ عزیز الحسن مجذوب

چلے تو کٹ ہی جائے گا سفر، آہستہ، آہستہ ہم اس کے پاس جاتے ہیں مگر، آہستہ، آہستہ

سید مصطفیٰ حسین زیدی

وہ باتیں تری وہ فسانے ترے شگفتہ شگفتہ بہانے ترے

عبد الحمیدعدم

سب کہے دیتی ہے اشکوں کی روانی افسوس راز دل میں ہے کہ چھلنی میں ہے پانی افسوس

خورشید رضوی

ہوئے نامور بے نشاں کیسے کیسے زمیں کھا گئی آسماں کیسے کیسے

امیر مینائی

شوق بھر نہ جائے کہیں نیت تو بھی دل سے اتر نہ جائے کہیں

ناصر کاظمی

دل بھر آئے تو سمندر نہیں دیکھے جاتے عکس ، پانی میں اتر کر نہیں دیکھے جاتے

خالد احمد

متاع بے بہا ہے درد و سوز آرزو مندی مقام بندگی دے کر نہ لوں شان خداوندی

محمد اقبال

میرے رشکِ قمر، تو نے پہلی نظر، جب نظر سے ملائی مزا آ گیا برق سی گر گئی، کام ہی کر گئی، آگ ایسی لگائی مزا آ گیا

فنا بلند شہری

تقلیدِ عدو سے ہمیں ابرام نہ ہو گا ہم خاص نہیں اور کرم عام نہ ہو گا

مصطفٰی خان شیفتہ

یہ دل یہ پاگل دل میرا کیوں بجھ گیا! آوارگی اس دشت میں اک شہر تھا، وہ کیا ہوا؟ آوارگی

سید محسن نقوی

خلق کہتی ہے جسے دل ترے دیوانے کا ایک گوشہ ہے یہ دنیا اسی ویرانے کا

فانی بدایونی

اب کے ہم بچھڑے تو شاید کبھی خوابوں میں ملیں جس طرح سوکھے ہوئے پھول کتابوں میں ملیں

احمد فراز

بے قراری سی بے قراری ہے وصل ہے اور فراق طاری ہے

جون ایلیا

یہ آرزو تھی تجھے گُل کے رُوبرُو کرتے ہم اور بلبل ِبے تاب گفتگو کرتے

خواجہ حیدر علی آتش

کچھ دن تو بسو میری آنکھوں میں پھر خواب اگر ہو جاؤ تو کیا

عبید اللہ علیم

محمد مصطفٰی محبوب داور سرور عالم وہ جس کے دم سے مسجودِ ملائک بن گیا آدم

حفیظ جالندھری

ہنسنے نہیں دیتا کبھی رونے نہیں دیتا یہ دل تو کوئی کام بھی ہونے نہیں دیتا

عباس تابش

راہ طلب میں کون کسی کا اپنے بھی بیگانےہیں چاند سے مکھڑے رشک غزالاں سب جانے پہچانے ہیں

ابن صفی

جب عشق سکھاتا ہے آدابِ خود آگاہی کھلتے ہیں غلاموں پر اسرارِ شہنشاہی

محمد اقبال

وہ جو ہم میں تم میں قرار تھا ، تمہیں یاد ہو کہ نہ یاد ہو وہی یعنی وعدہ نباہ کا ، تمہیں یاد ہو کہ نہ یاد ہو

مومن خان مومن

اثر اس کو ذرا نہیں ہوتا رنج راحت فزا نہیں ہوتا

مومن خان مومن

غمِ الفت مرے چہرے سے عیاں کیوں نہ ہوا آگ جب دل میں سلگتی تھی دھوں کیوں نہ ہوا

شکیب جلالی

فقیروں کی جھولی نہ ہوگی تہی شگفتہ شگفتہ بہانے ترے

عبد الحمیدعدم

قدموں میں ترے جینا مرنا اب دور یہاں سے جانا کیا پہلے جاں پھر جانِ جاں پھر جانِ جاناں ہو گئے

تسلیم فاضلی

ایسا نہیں کہ ہم کو محبت نہیں مِلی ہم جیسی چاہتے تھے وہ قُربت نہیں مِلی

اعتبار ساجد

دیار نور میں تیرہ شبوں کا ساتھی ہو کوئی تو ہو جو مری وحشتوں کا ساتھی ہو

افتخار عارف

دل سے تری نگاہ جگر تک اتر گئی دونوں کو اک ادا میں رضامند کر گئی

اسد اللہ خان غالب

وہ مجھ سے ہوئے ہم کلام اللہ اللہ کہاں میں کہاں یہ مقام، اللہ اللہ

صوفی غلام مصطفٰی تبسم

نارسائی کی حدیں جرمِ وفا بھول گیا وہ بھی کیا عشق ہے جو لغرشِ پا بھول گیا

عزیز حامد مدنی

زندگی سے ڈرتے ہو؟ ‘زندگی تو تم بھی ہو‘ زندگی تو ہم بھی ہیں

ن م راشد

راہِ دردِ عشق میں روتا ہے کیا آگے آگے دیکھیے ہوتا ہے کیا

میر تقی میر

تجھ سے بچھڑ کے ہم بھی مقدر کے ہو گئے پھر جو بھی در ملا ہے اسی در کے ہو گئے

احمد فراز

مار ہی ڈال مجھے چشمِ ادا سے پہلے اپنی منزل کو پہنچ جاؤں قضا سے پہلے

مومن خان مومن

پیام آئے ہیں اس یارِ بے وفا کے مجھے جسے قرار نہ آیا کہیں بھلا کے مجھے

احمد فراز

آشیانے کی بات کرتے ہو دِل جلانے کی بات کرتے ہو ؟

جاوید قریشی

لبِ خاموش سے اظہارِ تمنا چاہیں بات کرنے کو بھی تصویر کا لہجہ چاہیں

مظفر وارثی

کسی کی آنکھ جو پر نم نہیں ہے نہ سمجھو یہ کہ اس کو غم نہیں ہے

امجد اسلام امجد

زندہ رہیں تو کیا ہے جو مر جائیں ہم تو کیا دنیا سے خامشی سے گزر جائیں ہم تو کیا

منیر نیازی

رو رو کے کیا ابتر سب کام مرے دل کا کھویا مری آنکھوں نے آرام مرے دل کا

سید میر حسن

ہر ایک بات پہ کہتے ہو تم کہ تو کیا ہے تمہیں کہو کہ یہ اندازِ گفتگو کیا ہے

اسد اللہ خان غالب

ٹک حرص و ہوا کو چھوڑ میاں مت دیس بدیس پھرےمارا قزاق اجل کا لوٹے ہے ، دن رات بجا کر نقارا

سید ولی محمد نظیر اکبر آبادی

دور حیات آئے گا قاتل قضا کے بعد ہے ابتدا ہماری تری انتہا کے بعد

محمد علی جوہر

لطف وہ عشق میں پائے ہیں کہ جی جانتا ہے رنج بھی ایسے اٹھائے ہیں کہ جی جانتا ہے

داغ دہلوی

رہیے اب ایسی جگہ چل کر جہاں کوئی نہ ہو ہم سخن کوئی نہ ہو اور ہم زباں کوئی نہ ہو

اسد اللہ خان غالب

سراپا عشق ہوں میں اب بکھر جاؤں تو بہتر ہے جدھر جاتے ہیں یہ بادل ادھر جاؤں تو بہتر ہے

احمد فراز

یہ باتیں جھوٹی باتیں ہیں، یہ لوگوں نے پھیلائی ہیں تم انشا جی کا نام نہ لو کیا انشا جی سودائی ہیں

ابن انشاء

وہ عِشق جو ہم سے رُوٹھ گیا، اب اس کا حال بتائیں کیا کوئی مہر نہیں کوئی قہر نہیں پھر سچا شعر سنائیں کیا

اطہر نفیس

ہستی اپنی حباب کی سی ہے یہ نمائش سراب کی سی ہے

میر تقی میر

یا رب تیرے جہان کے کیا حال ہو گئے کچھ لوگ خواہشوں کے دلال ہو گئے

ساغر صدیقی

کل اک امرود والے سے یہ کہنا آ گیا ہم کو جہاں سے آئے ہیں ہم اس کی بغیا چھوڑ آئے ہیں

منور رانا

تری اُمید ترا انتظار جب سے ہے نہ شب کو دن سے شکایت ، نہ دن کو شب سے ہے

فیض احمد فیض

تِری دنیا میں یا رب زیست کے سامان جلتے ہیں فریبِ زندگی کی آگ میں انسان جلتے ہیں

ساغر صدیقی

یوں سجا چاند کہ جھلکا ترے انداز کا رنگ یوں فضا مہکی کہ بدلا مرے ہمراز کا رنگ

فیض احمد فیض

چہرہ میرا تھا ، نگاہیں اُس کی خامشی میں بھی وہ باتیں اُس کی

پروین شاکر

میرے ہی لہو پر گزر اوقات کرو ہو مجھ سے ہی امیروں کی طرح بات کرو ہو

کلیم عاجز

معلوم ہے رستہ بھی تِرا اور تِری خُو بھی بگڑا ہوں تِری راہ سے، بھٹکا تو نہیں ہوں

ابنِ مُنیبؔ

کب تلک پیاس کے صحرا میں جُھلستے جائیں اب یہ بادل جو اُٹھے ہیں، تو برستے جائیں

ارشاد احمد فاضلی

فاصلے ایسے بھی ہوں گے یہ کبھی سوچا نہ تھا سامنے بیٹھا تھا میرے اور وہ میرا نہ تھا

عدیم حاشمی

یا رب سرابِ اہلِ ہَوَس سے نِجات دے مجھ کو شراب دے اُنھیں آب ِحیات دے

سراج الدین ظفر

اچھا ہے اُن سے کوئی تقاضا کیا نہ جائے اپنی نظر میں آپ کو رسوا کیا نہ جائے

جاں نثار اختر

ہنگامہ ہے کیوں برپا تھوڑی سی جو پی لی ہے ڈاکہ، تو نہیں ڈالا، چوری، تو نہیں کی ہے

اکبر الہ آبادی

دل ہی تو ہے نہ سنگ و خشت، درد سے بھر نہ آئے کیوں روئیں گے ہم ہزار بار، کوئی ہمیں ستائے کیوں

اسد اللہ خان غالب

محبت کی اسیری سے رہائی مانگتے رہنا بہت آساں نہیں ہوتا جدائی مانگتے رہنا

نوشی گیلانی

ستم پر شرطِ خاموشی بھی اس نے ناگہاں رکھ دی کہ اک تلوار اپنے اور ،میرے درمیا ں رکھ دی

نصیر الدین نصیر

ہر چہرے میں آتی ہے نظر یار کی صورت احباب کی صورت ہو کہ اغیار کی صورت

واصف علی واصف

ہر ایک بات پہ کہتے ہو تم کہ تو کیا ہے تمہیں کہو کہ یہ اندازِ گفتگو کیا ہے

اسد اللہ خان غالب

ہم کریں بات دلیلوں سے ،تو رد ہوتی ہے اس کے ہونٹوں کی خموشی بھی سند ہوتی ہے

مظفر وارثی

کبھی کہا نہ کسی سے ترے فسانے کو نہ جانے کیسے خبر ہوگئی زمانے کو

قمر جلالوی

قابلِ روح سبک رَو بدنِ پیر نہیں ایک دم ساکنِ آغوشِ کماں تیر نہیں

شیخ امام بخش ناسخ

کیا تجھ عشق نے ظالم خراب آہستہ آہستہ کہ آتش گل کوں کرتی ہے گلاب آہستہ آہستہ

ولی دکنی

ہمیشہ دیر کر دیتا ہوں میں، ہر کام کرنے میں ضروری بات کہنی ہو کوئی وعدہ نبھانا ہو

منیر نیازی

جب میرے راستے میں کوئی میکدا پڑا مجھ کو خود اپنے غم کی طرف دیکھنا پڑا

فنانظامی کانپوری

آہ کو چاہیے اِک عُمر اثر ہونے تک کون جیتا ہے تری زُلف کے سر ہونے تک

اسد اللہ خان غالب

وہ رابطہ نہیں ، وہ محبت نہیں رہی اس بے وفا کو ہم سے کچھ الفت نہیں رہی

میر تقی میر

ترے عشق کی انتہا چاہتا ہوں میری سادگی دیکھ کیا چاہتا ہوں

محمد اقبال

یہ جو سینے میں لیے کربِ درُوں ز ندہ ہوں کوئی امید سی باقی ہے کہ یوں زندہ ہوں

ساغر صدیقی

ہم تو ڈبو کر کشتی کو، خود ہی پار لگائیں گے طُوفاں سے گر بچ نکلی، ساحل سے ٹکرائیں گے

ماہر القادری

رویا کریں گے آپ بھی پہروں اسی طرح اٹکا کہیں جو آپ کا دل بھی مری طرح

مومن خان مومن

کمر باندھے ہوئے چلنے کو یاں سب یار بیٹھے ہیں بہت آگے گئے، باقی جو ہیں تیار بیٹھے ہیں

انشا ء اللہ خان

بات کرنی مجھے مشکِل کبھی ایسی تو نہ تھی جیسی اب ہے تری محفِل کبھی ایسی تو نہ تھی

بہادر شاہ ظفر

نگاہِ فقر میں شانِ سکندری کیا ہے خراج کی جو گدا ہو، وہ قیصری کیا ہے!

محمد اقبال

یہی نہیں کہ زخم جاں کو چارہ جو ملا نہیں یہ حال تھا کہ دل کو اسم آرزو ملا نہیں

ادا جعفری

حجابِ فتنہ پرور اب اٹھا لیتی تو اچھا تھا خود اپنے حُسن کو پردہ بنا لیتی تو اچھا تھا

اسرار الحق مجاز

حسابِ ترکِ تعلق تمام میں نے کیا شروع اسنے کیا اختتام میں نے کیا

سعود عثمانی

یہ نہ تھی ہماری قسمت کہ وصالِ یار ہوتا اگر اور جیتے رہتے، یہی انتظار ہوتا

اسد اللہ خان غالب

ہے دعا یاد مگرحرفِ دعا یاد نہیں میرے نغمات کو اندازِ نوا یاد نہیں

ساغر صدیقی

اترے تھے آسماں سے زمیں کو سنوارنے، رکھ دی اڑا کے خاک غمِ روزگار نے،

حزیں صدیقی

صبا۔۔ جانا اُدھر تو دردِ دل کا ماجرا کہنا بہ نرمی بارگاہِ شاہ میں حالِ گدا کہنا

جوش ملیح آبادی

فلک نے سانس لینے کا بھی اس میں دَم نہیں رکھا خوشی کے دور میں جس نے خیالِ غم نہیں رکھا

ایاز صدیقی

مدت ہوئی ہے یار کو مہماں کیے ہوئے جوشِ قدح سے بزم چراغاں کیے ہوئے

اسد اللہ خان غالب

ہاتھ خالی ہیں تِرے شہر سے جاتے جاتے جان ہوتی، تو مِری جان! لُٹاتے جاتے

راحت اندوری

سر جھکاؤ گے تو پتھر دیوتا ہو جائے گا اتنا مت چاہو اسے وہ بے وفا ہو جائے گا

بشیر بدر

وطن سے الفت ہے جرم اپنا یہ جرم تا زندگی کریں گے ہے کس کی گردن پہ خونِ ناحق یہ فیصلہ لوگ ہی کریں گے

حبیب جالب

ثبات بحرِ جہاں میں اپنا فقط مثالِ حباب دیکھا نہ جوش دیکھا ، نہ شور دیکھا ، نہ موج دیکھی ، نہ آب دیکھا

داغ دہلوی

اس رعونت سے وہ جیتے ہیں کہ مرنا ہی نہیں تخت پر بیٹھے ہیں یوں جیسے اترنا ہی نہیں

حبیب جالب

پھر مجھے دیدۂ تر یاد آیا دل، جگر تشنۂ فریاد آیا

اسد اللہ خان غالب

میرے چھوٹے سے گھر کو یہ کس کی نظر، اے خدا ! لگ گئی کیسی کیسی، دعاؤں کے ہوتے ہوئے بد دعا لگ گئی

پروین شاکر

دیکھ تو دل کہ جاں سے اُٹھتا ہے یہ دھواں سا کہاں سے اٹھتا ہے

میر تقی میر

موسم بدلا، رُت گدرائی اہلِ جنوں بے باک ہوئے فصلِ بہار کے آتے آتے کتنے گریباں چاک ہوئے

ظہیر کاشمیری

ہو بیش کہ کم، ہم سے تو دیکھا نہیں جاتا انسان کا غم، ہم سے تو دیکھا نہیں جاتا

عبد الحمیدعدم

سنبھلنے کے لئے گرنا پڑا ہے ہمیں جینا بہت مہنگا پڑا ہے

مظفر وارثی

شام سے آنکھ میں نمی سی ہے آج پھر آپ کی کمی سی ہے

سمپورن سنگھ کلرا گلزار

مرنے کی دُعائیں کیوں مانگوں ،جِینے کی تمنّا کون کرے یہ دُنیا ہو یا وہ دُنیا ، اب خواہش ِ دُنیا کون کرے

معین احسن جذبی

موسم بدلا، رُت گدرائی اہلِ جنوں بے باک ہوئے فصلِ بہار کے آتے آتے کتنے گریباں چاک ہوئے

ظہیر کاشمیری

کون کہتا ہے کہ موت آئی تو مرجاؤں گا میں تو دریا ہوں سمندر میں اتر جاؤں گا

احمد ندیم قاسمی

الٹی ہوگئیں سب تدبیریں کچھ نہ دوا نے کام کیا دیکھا اس بیماریِ دل نے آخر کام تمام کیا

میر تقی میر

کوئی پُرساں ہی نہ ہم دل زدگاں کا نکلا شہر کا شہر اُسی دشمنِ جاں کا نکلا

جمال احسانی

یہ سب ظہورِ شانِ حقیقت بشر میں ہے جو کچھ نہاں تھا تخم میں، پیدا شجر میں ہے

امیر مینائی

دل کے دریا کو کسی روز اُتر جانا ہے اتنا بے سمت نہ چل، لوٹ کے گھر جانا ہے

امجد اسلام امجد

نقش فریادی ہے کس کی شوخیِ تحریر کا کاغذی ہے پیرہن، ہر پیکر ِتصویر کا

اسد اللہ خان غالب

سلسلے توڑ گیا، وہ سبھی جاتے جاتے ورنہ اتنے تو مراسم تھے، کہ آتے جاتے

احمد فراز

گرچہ سو بار غمِ ہجر سے جاں گُزری ہے پھر بھی جو دل پہ گزرتی تھی کہاں گزری ہے

سیف الدین سیف

میں خیال ھوں کسی اور کا مجھے سوچتا کوئی اور ھے سر آئینہ مرا عکس ھے پس آئینہ کوئی اور ھے

سلیم کوثر

یہ وفا کا صلہ دیا تم نے دل سے بالکل بھُلا دیا تم نے

ساغر نظامی

گلوں میں رنگ بھرے، بادِ نو بہار چلے چلے بھی آؤ کہ گلشن کا کاروبار چلے

فیض احمد فیض

رنجش ہی سہی دل ہی دکھانے کے لیے آ آ پھر سے مُجھے چھوڑ کے جانے کے ليے آ

احمد فراز

یار کو میں نے مجھے یار نے سونے نہ دیا رات بھر طالعِ بیدار نے سونے نہ دیا

خواجہ عزیز الحسن مجذوب

دلِ ناداں تُجھے ہُوا کیا ہے آخر اِس درد کی دوا کیا ہے

اسد اللہ خان غالب

جسم دمکتا، زلف گھنیری، رنگیں لب، آنکھیں جادو سنگِ مرمر، اودا بادل، سرخ شفق، حیراں آہو

جاوید اختر

گفتگو اچھی لگی ذوقِ نظر اچھا لگا مدتوں کے بعد کوئی ہمسفر اچھا لگا

احمد فراز

یقین کر کہ یہ کہنہ نظام بدلے گا مرا شعور مزاج عوام بدلے گا

ساغر صدیقی

لائی حیات آئے قضا لے چلی چلے اپنی خوشی نہ آئے، نہ اپنی خوشی چلے

شیخ محمد ابراہیم ذوق

زبان ِ غیر سے کیا شرح ِ آرزو کرتے وہ خُود اگر کہیں مِلتا تو گُفتگُو کرتے

سید مصطفیٰ حسین زیدی

تم آئے ہو، نہ شبِ انتظار گزری ہے تلاش میں ہے سحر، بار بار گزری ہے

فیض احمد فیض

یہ رنگینیِ نوبہار، اللہ اللہ یہ جامِ مے خوشگوار، اللہ اللہ

صوفی غلام مصطفٰی تبسم

حیراں ہوں اپنے کام کی تدبیر کیا کروں جاتی رہی ہے آہ سے تاثیر کیا کروں

غلام ہمدانی مصحفی

باتیں کریں اور باتوں سے خوشبو آئے درد پھولوں کی طرح مہکے اگر تو آئے

ضیا جالندھری

دیر لگی آنے میں تم کو شکر ہے پھر بھی آئے تو آس نے دل کا ساتھ نہ چھوڑا ویسے ہم گھبرائے تو

عندلیب شادانی

تم , پکار لو تمہارا , انتظار ہے

سمپورن سنگھ کلرا گلزار

جلوہء قاتل سے کچھ ایسا میں حیراں رہ گیا اک تڑپنے کا تھا ارماں وہ بھی ارماں رہ گیا

مرزا یاس یگانہ چنگیزی

مہاجر ہیں مگر ہم ایک دنیا چھوڑ آئے ہیں تمہارے پاس جتنا ہے ہم اتنا چھوڑ آئے ہیں

منور رانا

زِندگی کی راہوں میں رَنج و غَم کے میلے ہیں بھیڑ ہے قیامت کی پھر بھی ہم اکیلے ہیں

صباافغانی

ہم گُھوم چکے بَستی بَن میں اِک آس کی پھانس لیے مَن میں

ابن انشاء

ہم جان فدا کرتے ، گر وعدہ وفا ہوتا مرنا ہی مقدر تھا ، وہ آتے تو کیا ہوتا

مومن خان مومن

ہونٹوں پہ کبھی ان کے میرا نام ہی آئے آئے تو سہی بر سرِ الزام ہی آئے

ادا جعفری

فرنگی کا جو میں دربان ہوتا تو جینا کس قدر آسان ہوتا

حبیب جالب

جوانی زندگانی ہے نہ تم سمجھے نہ ہم سمجھے یہ اک ایسی کہانی ہے نہ تم سمجھے نہ ہم سمجھے

صبا اکبر آبادی

نگری نگری پِھرا مسافر گھر کا رستہ بُھول گیا کیا ہے تیرا کیا ہے میرا، اپنا پرایا بُھول گیا

میر ا جی

جو سیلِ درد اٹھا تھا، وہ جان چھوڑ گیا مگر وہ جسم پہ اپنا نشان چھوڑ گیا

ریاض مجید

چراغ سامنے والے مکان میں بھی نہ تھا یہ سانحہ میرے وہم و گمان میں بھی نہ تھا

جمال احسانی

کل چودھویں کی رات تھی شب بھر رہا چرچا تیرا کچھ نے کہا یہ چاند ہے کچھ نے کہا چہرہ تیرا

ابن انشاء

ہم کو مِٹا سکے یہ زمانے میں دم نہیں ہم سے زمانہ خود ہے، زمانے سے ہم نہیں

جگر مراد آبادی

جس سمت بھی دیکھوں نظر آتا ہے کہ تم ہو اے جانِ جہاں یہ کوئی تم سا ہے کہ تم ہو

احمد فراز

اپنے مرکز سے اگر دور نکل جاؤ گے خواب ہو جاؤ گے، افسانوں میں ڈھل جاؤ گے

اقبال عظیم

ہوا بھی خوش گوار ہے ، گلوں پہ بھی نکھار ہے ترنّمِ ہزار ہے ، بہارِ پُر بہار ہے

حفیظ جالندھری

پھر چراغ لالہ سے روشن ہوئے کوہ و دمن مجھ کو پھر نغموں پہ اکسانے لگا مرغ چمن

محمد اقبال

خودی کا سرِ نہاں لا الہٰ الا اللہ خودی ہے تیغ، فساں لا الہٰ الا اللہ

محمد اقبال

یہ پیام دے گئی ہے مجھے بادِ صبح گاہی کہ خودی کے عارفوں کا ہے مقام پادشاہی

محمد اقبال

جھونکوں میں رس گھولے دل پون چلے اور ڈولے دل

مجید امجد

رفتہ رفتہ وہ میری ہستی کا ساماں ہو گئے پہلے جاں پھر جانِ جاں پھر جانِ جاناں ہو گئے

5954 22 0 7 4.2

تسلیم فاضلی

انہی افکار میں بیٹھا تھا میں اک دن جھکائے سر در آرام گاہِ شاہِ قطب الدین ایبک پر

حفیظ جالندھری

فضا میں رنگ ، ستاروں میں روشنی نہ رہے ہمارے بعد یہ ممکن ہے زندگی نہ رہے

آغا شورش

جرأت سے ہر نتیجے کی پروا کیے بغیر دربار چھوڑ آیا ہوں سجدہ کیے بغیر

منور رانا

حیرتوں کے سلسلے سوزِ نہاں تک آگئے ہم نظر تک چاہتے تھے تم تو جاں تک آگئے

قابل اجمیری

ہَمَیں تو یوں بھی نہ جلوے تِرے نظرآئے نہ تھا حجاب، توآنکھوں میں اشک بھرآئے

سیماب اکبر آبادی

دل میں اک لہر سی اٹھی ہے ابھی کوئی تازہ ہوا چلی ہے ابھی

ناصر کاظمی

اشک آنکھوں میں کب نہیں آتا لہو آتا ہے جب نہیں آتا

میر تقی میر

خدا کرے میری ارض پاک پر اترے وہ فصلِ گل جسے اندیشہء زوال نہ ہو

12824 23 0 13 4

احمد ندیم قاسمی

اے جذبۂ دل گر میں چاہوں ہر چیز مقابل آ جائے منزل کے لیے دو گام چلوں اور سامنے منزل آ جائے

بہزاد لکھنوی

عذابِ زِیست کی سامانیاں نہیں جاتیں مِری نظر سے وہ رعنائیاں نہیں جاتیں

شفیق خلش

یار کو میں نے مجھے یار نے سونے نہ دیا رات بھر طالعِ بیدار نے سونے نہ دیا

خواجہ حیدر علی آتش

رات یوں دل میں تری کھوئی ہوئی یاد آئی جیسے ویرانے میں چپکے سے بہار آ جائے

فیض احمد فیض

جا کہیو ان سے نسیمِ سحر! میرا چین گیا، میری نیند گئی تمہیں میری، نہ مجھ کو تمہاری خبر، میرا چین گیا، میری نیند گئی

بہادر شاہ ظفر

کہیں آہ بن کے لب پر تیرا نام آ نہ جائے تجھے بے وفا کہوں میں وہ مقام آ نہ جائے

حبیب جالب

اشک دامن میں بھرے خواب کمر پر رکھا پھر قدم ہم نے تری راہ گزر پر رکھا

احمد مشتاق

نئے کپڑے بدل کر جاؤں کہاں اور بال بناؤں کس کے لیئے وہ شخص تو شہر ہی چھوڑ گیا میں باہر جاؤں کس کے لیئے

ناصر کاظمی

ڈھونڈو گے اگر ملکوں ملکوں، ملنے کے نہیں نایاب ہیں ہم تعبیر ہے جس کی حسرت و غم، اے ہم نفسو وہ خواب ہیں ہم

شاد عظیم آبادی

جہاں تیرا نقشِ قدم دیکھتے ہیں ﺧﯿﺎﺑﺎﮞ ﺧﯿﺎﺑﺎﮞ ﺍِﺭﻡﺩﯾﮑﮭﺘﮯ ﮨﯿﮟ

اسد اللہ خان غالب

ہم دیکھیں گے، ہم دیکھیں گے لازم ہے کہ ہم بھی دیکھیں گے

فیض احمد فیض

ہم کہ ٹھہرے اجنبی اتنی مداراتوں کے بعد پھر بنیں گے آشنا کتنی ملاقاتوں کے بعد

فیض احمد فیض

ہندو ہیں بُت پرست، مسلماں خدا پرست پوجوں میں اُس کسی کو جو ہو آشنا پرست

مرزا رفیع سودا

قربتوں میں بھی جدائی کے زمانے مانگے دل وہ بے مہر کہ رونے کے بہانے مانگے

احمد فراز

ہر ظلم ترا یاد ہے، بھولا تو نہیں ہوں اے وعدہ فراموش میں تجھ سا تو نہیں ہوں

آفتاب مضطر

سَرَکتی جائے ہے رُخ سے نقاب آہستہ آہستہ نکلتا آ رہا ہے آفتاب آہستہ آہستہ

امیر مینائی

کبھی کسی کو مکمل جہاں نہیں ملتا کہیں زمین کہیں آسماں نہیں ملتا

ندا فاضلی

داغ دل ہم کو یاد آنے لگے لوگ اپنے دیئے جلانے لگے

باقی صدیقی

غم ہے یا خوشی ہے تو میری زندگی ہے تو

ناصر کاظمی

نہ کسی کی آنکھ کا نور ہوں نہ کسی کے دل کا قرار ہوں کسی کام میں جو نہ آ سکے میں وہ ایک مشت غبار ہوں

مضطر خیر آبادی

ہے کبھی سایہ کبھی ہے روشنی دیوار پر رنگ بکھراتی ہے کیا کیا زندگی دیوار پر

سلیم احمد

یہ کیا کہ اک جہاں کو کرو وقفِ اضطراب یہ کیا کہ ایک دل کو شکیبا نہ کر سکو

صوفی غلام مصطفٰی تبسم

مانا کہ مشتِ خاک سے بڑھ کر نہیں ہوں میں لیکن ہوا کے رحم و کرم پر نہیں ہوں میں

مظفر وارثی

اسی کے نام سے آغاز ہے اس شاہنامے کا ہمیشہ جس کے در پر سر جھکا رہتا ہے خامے کا

حفیظ جالندھری

غصے سے اٹھ چلے ہو جو دامن کو جھاڑ کر جاتے رہیں گے ہم بھی گریباں پھاڑ کر

میر تقی میر

نثار میں تری گلیوں کے اے وطن کہ جہاں چلی ہے رسم کہ کوئی نہ سر اُٹھا کے چلے

فیض احمد فیض

کہیں صحرا میں جو دریا دیکھیں ہم بھی آئینے میں چہرا دیکھیں

محشر بدایونی

کی وفا ہم سے تو غیر اُس کو جفا کہتے ہیں ہوتی آئی ہے کہ اچّھوں کو بُرا کہتے ہیں

اسد اللہ خان غالب

نہ کسی کی آنکھ کا نُور ہوں، نہ کسی کے دِل کا قرار ہوں جو کسی کے کام نہ آ سکے، میں وہ ایک مُشتِ غُبار ہوں

مضطر خیر آبادی

دنیا کے ستم یاد نہ اپنی ہی وفا یاد اب مجھ کو نہیں کچھ بھی محبت کے سوا یاد

جگر مراد آبادی

دشت کی تیز ہواؤں میں بکھر جاؤگے کیا ایک دن گھر نہیں جاؤ گے تو مر جاؤ گے کیا

لیاقت علی عاصم

ہر لحظہ ہے مومن کی نئی شان، نئی آن گفتار میں، کردار میں، ﷲ کی برہان!

محمد اقبال

بوسۂ خال کی قیمت مِری جاں ٹھہری ہے چیز کتنی سی ہے اور کِتنی گراں ٹھہری ہے

قمر جلالوی

جی دیکھا ہے مر دیکھا ہے ہم نے سب کچھ کر دیکھا ہے

حبیب جالب

ہم نے سنا تھا صحنِ چمن میں کیف کے بادل چھائے ہیں ہم بھی گئے تھے جی بہلانے، اشک بہا کر آئے ہیں

حبیب جالب

بادباں کھُلنے سے پہلے کا اشارا دیکھنا میں سمندر دیکھتی ہوں تم کنارا دیکھنا

پروین شاکر

اس درد کی دنیا سے گزر کیوں نہیں جاتے یہ لوگ بھی کیا لوگ ہیں مر کیوں نہیں جاتے

حبیب جالب

راز سربستہ محبّت کے، زباں تک پہنچے بات بڑھ کر یہ خُدا جانے کہاں تک پہنچے

حفیظ ہوشیار پوری

ہم پروَرشِ لَوح و قلَم کرتے رہیں گے جو دِل پہ گُزرتی ہے رقم کرتے رہیں گے

فیض احمد فیض

اب کے تجدیدِ وفا کا نہیں امکاں جاناں یاد کیا تجھ کو دلائیں تیرا پیماں جاناں

احمد فراز

روشن جمال ِیار سے ہے انجمن تمام دہکا ہوا ہے آتش ِگُل سے چمن تمام

حسرت موہانی

یہ آرزو تھی تجھے گُل کے رُوبرُو کرتے ہم اور بلبل ِبے تاب گفتگو کرتے

خواجہ حیدر علی آتش

ہوئی تاخیر تو کچھ باعثِ تاخیر بھی تھا آپ آتے تھے، مگر کوئی عناں گیر بھی تھا

اسد اللہ خان غالب

زخموں کے نئے پھول کِھلانے کے لئے آ پھر موسمِ گُل یاد دلانے کے لئے آ

کلیم عاجز

آئے کچھ ابر، کچھ شراب آئے اس کے بعد آئے جو عذاب آئے

فیض احمد فیض

یہ جو دِیوانے سے دو چار نظر آتے ہیں اِن میں کچُھ صاحبِ اسرار نظر آتے ہیں

ساغر صدیقی

خراب ہوں کہ جنوں کا چلن ہی ایسا تھا کہ تیرا حسن، مرا حسنِ ظن ہی ایسا تھا

شاذ تمکنت

اپنی دُھن میں رہتا ہوں میں بھی تیرے جیسا ہوں

ناصر کاظمی

جب بھی یہ دل اُداس ہوتا ہے جانے کون آس پاس ہوتا ہے

سمپورن سنگھ کلرا گلزار

ایک ہی مسئلہ تا عمر مرا حل نہ ہوا نیند پوری نہ ہوئی خواب مکمل نہ ہوا

منور رانا

ایسا نہیں کہ اُن سے محبّت نہیں رہی جذبات میں وہ پہلی سی شِدّت نہیں رہی

خمار بارہ بنکوی

عُذر آنے میں بھی ھے اور بلاتے بھی نہیں باعثِ ترکِ ملاقات بتاتے بھی نہیں

داغ دہلوی

انشاء جی اُٹھو اب کُوچ کرو اس شہر میں جی کا لگانا کیا۔ وحشی کوسکوں سے کیا مطلب جوگی کا نگر میں ٹھکانا کیا۔

ابن انشاء

چپکے چپکے رات دن آنسو بہانا یاد ہے ہم کو اب تک عاشقی کا وہ زمانہ یاد ہے

حسرت موہانی

نگوں کہیں بھی کبھی سر نہیں کیا ہم نے یونہی تو زیست کو دو بھر نہیں کیا ہم نے

افتخار مغل

سینے میں جلن آنکھوں میں طوفان سا کیوں ہے اس شہر میں ہر شخص پریشان سا کیوں ہے

شہریار

فقیرانہ آئے صدا کرچلے میاں خوش رہو ہم دعا کر چلے

میر تقی میر

پتہ پتہ بوٹا بوٹا حال ہمارا جانے ہے جانے نہ جانے گل ہی نہ جانے باغ تو سارا جانے ہے

میر تقی میر

اشکِ رواں کی نہر ہے اور ہم ہیں دوستو اس بے وفا کا شہر ہے اور ہم ہیں دوستو

منیر نیازی

فطرت کو خرد کے رُوبرو کر تسخیرِ مقامِ رنگ و بو کر

محمد اقبال

آلام روزگار کو آساں بنا دیا جو غم ہوا اسے غم جاناں بنا دیا

اصغر گونڈوی

اے محبت ترے انجام پہ رونا آیا جانے کیوں آج ترے نام پہ رونا آیا

شکیل بدایونی

میں ہوں مشتاقِ جفا، مجھ پہ جفا اور سہی تم ہو بیداد سے خوش، اس سے سوا اور سہی

اسد اللہ خان غالب

بول کے لب آزاد ہیں تیرے بول، زباں اب تک تیری ہے

فیض احمد فیض

میں ہوں مشتاقِ جفا، مجھ پہ جفا اور سہی تم ہو بیداد سے خوش، اس سے سوا اور سہی

اسد اللہ خان غالب

دیارِ عشق میں اپنا مقام پیدا کر ! نیا زمانہ، نئے صبح و شام پیدا کر

محمد اقبال

نصیب آزمانے کے دن آرہے ہیں قریب ان کے آنے کے دن آرہے ہیں

فیض احمد فیض

خاطر سے یا لحاظ سے میں مان تو گیا جھوٹی قسم سے آپ کا ایمان تو گیا

داغ دہلوی

کب میرا نشیمن اہلِ چمن گلشن میں گوارا کرتے ہیں غنچے اپنی آوازوں میں بجلی کو پکارا کرتے ہیں

قمر جلالوی

درد ہو دل میں تو دوا کیجے دل ہی جب درد ہو تو کیا کیجے

اسد اللہ خان غالب

خدا کہوں گا تمھیں، ناخدا کہوں گا تمھیں پکارنا ہی پڑے گا تو کیا کہوں گا تمھیں

جمیل الدین عالی

تم کو دیکھا تو یہ خیال آیا زندگی دھوپ تم گھنا سایہ

جاوید اختر

اک اپنے سلسلے میں تو اہلِ یقیں ہوں میں چھ فیٹ تک ہوں، اس کے علاوہ نہیں ہوں میں

رئیس فروغ

انجم و مہتاب کے سائے میں جب آئے گی رات نیلگوں زلفوں کے پیچ و خم میں بل کھائے گی رات

علی سردار جعفری

ذکر اس پری وش کا، اور پھر بیاں اپنا بن گیا رقیب آخر۔ تھا جو رازداں اپنا

اسد اللہ خان غالب

میرے مالک نے مرے حق میں یہ احسان کیا خاکِ ناچیز تھا میں سو مجھے انسان کیا

میر تقی میر

ہم اس شوخ کو پہلو میں لئے بیٹھے ہیں کوئی آئے تو یہ سمجھے کہ پئے بیٹھے ہیں

جوش ملیح آبادی

آندھی چلی تو نقشِ کفِ پا نہیں ملا دل جس سے مل گیا تھا دوبارہ نہیں ملا

سید مصطفیٰ حسین زیدی

آئیے ہاتھ ’اٹھائیں ہم بھی ہم جنہیں رسمِ دعا یاد نہیں

فیض احمد فیض

دل پر جو زخم ہیں وہ دکھائیں کسی کو کیا اپنا شریکِ درد بنائیں کسی کو کیا

حبیب جالب

حسن کب عشق کا ممنونِ وفا ہوتا ہے لاکھ پروانہ مرے شمع پہ کیا ہوتا ہے

قمر جلالوی

بڑھاؤ نہ آپس میں ملت زیادہ مبادا کہ ہوجائے نفرت زیادہ

الطاف حسین حالی

یوں تو صدائے زخم بہت دور تک گئی اک چارہ گر کے شہر میں جا کر بھٹک گئی

غلام حمد قاصر

سفر کی موج میں تھے، وقت کے غبار میں تھے وہ لوگ جو ابھی اس قریۂ بہار میں تھے

مجید امجد

لگتا نہیں ہے جی مرا اُجڑے دیار میں کس کی بنی ہے عالمِ ناپائدار میں

بہادر شاہ ظفر

حالات کے قدموں پہ قلندر نہیں گرتا ٹوٹے بھی جو تارا تو زمیں پر نہیں گرتا

قتیل شفائی

تہمتِ چند اپنے ذمّے دھر چلے کس لئے آئے تھے ہم کیا کر چلے

خواجہ میر درد

تمھارے خط میں نیا اک سلام کس کا تھا نہ تھا رقیب تو آخر وہ نام کس کا تھا

داغ دہلوی

جل بھی چُکے پروانے، ہو بھی چُکی رُسوائی اب خاک اُڑانے کو بیٹھے ہیں تماشائی

شہزاد احمد

دل دھڑکنے کا سبب یاد آیا وہ تری یاد تھی اب یاد آیا

ناصر کاظمی

مجھ سے پہلی سی محبت مری محبوب نہ مانگ میں نے سمجھا تھا کہ تو ہے تو درخشاں ہے حیات

فیض احمد فیض

انساں نہیں رہتا ہے تو ہوتا نہیں غم بھی سو جائیں گے اک روز زمیں اوڑھ کے ہم بھی

احسان دانش

مریض ہجر اُمید سحر نہیں رکھتا غضب ہے پھر بھی وہ غافل خبر نہیں رکھتا

حسن رضا

کبھی اے حقیقتِ منتظر نظر آ لباسِ مجاز میں کہ ہزاروں سجدے تڑپ رہے ہیں میری جبینِ نیاز میں

محمد اقبال

کوئی حسرت بھی نہیں ، کوئی تمنا بھی نہیں دل وہ آنسو جو کسی آنکھ سے چھلکا بھی نہیں

احمد راہی

نثر میں زیادہ پڑھی گئی

شاعری میں زیادہ پڑھی گئی

نثر میں زیادہ پسند کی گئی

شاعری میں زیادہ پسند کی گئی

نثر میں جسے زیادہ ووٹ ملے

شاعری میں جسے زیادہ ووٹ ملے

نثر میں سے یہ بھی پڑھیئے

شاعری میں سے یہ بھی پڑھیئے

ہماری اسلامی سائٹ

مزیدصحیح احادیث کے لیئے ہماری اسلامی سائٹ وزٹ کریں۔
www.islamiuloom.com

ہماری پاکستانی ویڈیوز کی سائٹ

پاکستان کی خوبصورت جگہوں کی ویڈیوز دیکھنے کے لیئے وزٹ کریں۔
www.lovemypakistan.com

سرفراز صدیقی سوشل میڈیا پر

منجانب:سرفراز صدیقی۔ صفحات کو بنانے والے: زبیر ذیشان ۔