پیدا کر لیں جذبۂ خدمت
خدمت سے ملتی ہے جنت
چاہیں گر ربّا کی رحمت
خوب کریں ابا کی خدمت
چاہتے ہیں گر اچھی صحت
کرتے جائیں محنت محنت
مہماں تو ہوتے ہیں رحمت
مہماں کو مت سمجھیں زحمت
اس نعمت کی قدر کریں ہم
حاصل ہے گر ماں کی نعمت
وقت کو کام میں لانا سیکھیں
فرصت کو ہم جانیں غنیمت
اچھے بچے بننا ہے گر
چھوڑ دیں گالی، چغلی، غیبت
نیکی کرنے سے ہوتی ہے
رزق میں وسعت عمر میں برکت
رحم کریں مخلوقِ خدا پر
چاہیں گر اللہ کی رحمت
کوئی کام نہیں ہے مشکل
کر لیں اثر گر عزم و ہمت
