پیارے پیارے تھے یہ بچے
بات کے پکے دل کے سچے
ان کے سینے پیار کے ساگر
نفرت سے خالی ان کے دل
لڑتے ہیں پھر مل جاتے ہیں
پیار سے پھر اک ہو جاتے ہیں
ان کا پیغام ہے دنیا کو
سب مل جل کر رہنا سیکھو
بچپن سب سے اچھا ہے
یہ بچوں کی نگری ہے
یہ بچوں کی بستی ہے
ان کے بول ہیں میٹھے میٹھے
ان کی باتیں پیاری پیاری
ان کے چہرے نکھرے نکھرے
اس کی صورت بھولی بھالی
ان کے دل ہیں سادے سچے
ان کے لبوں پر پیار کے نغمے
ان کی دنیا سب سے نرالی
ان کا جیون سب سے انوکھا
یہ کیا جانیں نسل کے جھگڑے
یہ کیا سمجھیں رنگ کی باتیں
بچپن سب سے اچھا ہے
یہ انمول ہے سچا ہے
